ผู้บ่าวอินดี้ ยาหยีอินเตอร์

ทุกคนพากันตกใจเมื่อมารวมตัวที่ลานหน้าบ้านพ่อปั้นแล้วได้รับรู้ปัญหาใหญ่ของหมู่บ้านจากทศพล

“หา!! ถืกตัดงบพัฒนาหมู่บ้าน”

“แม่นอาแหวง แต่อย่าเอิ้นว่าถืกตัดงบเลยดีกว่า ย่อนว่างบที่ได้มาเหลือน้อยเดียว ทุกโครงการที่ข้อยเคยคึดไว้เลยเฮ็ดหยังบ่ได้จักอย่าง”

“สาเหตุเพราะปัญหาที่พ่อใหญ่คมทำลายชื่อเสียงของหมู่บ้านเราใช่ไหม”

“ครับคุณหนู ปัญหายาเสพติดที่เกิดขึ้นบ่อยๆ ทำให้ภาพพจน์ในหมู่บ้านแย่มากในสายตาของทุกคน”

“พ่อก็พอสิได้ยินมาคือกัน ซาวบ้านหลายคนที่ต้องค้าขายกับบ้านอื่นก็ได้รับผลกระทบ แล้วบ่มีไผเซื่อใจเฮาอีก เอิ้นเฮาว่าคนบ้านหนี่เป็นหมู่บ้านค้ายา”

“ข้อยก็ได้รับผลกระทบมาหมาดๆคือกัน งานหมอลำที่ฮับไว้ถืกยกเลิกไปหลายที่” เสือบ่นอย่างหนักใจ ขณะที่แก้วตาก็พูดอย่างเจ็บใจว่า

“ข้อยเกือบสิมีเฮื่องตบปากคนที่เซาจ้างนำ เพิ่นว่าผูใหญ่บ้านคนใหม่ใช้เส้นสายซอยแม่ตัวเองให้พ้นคดีค้ายา”

ป่องได้ยินแก้วตาพูดอย่างนั้นก็ชะงักหน้าเสีย มองทศพลด้วยความรู้สึกผิด

“บ่ต้องไปสนใจคำเว้าของผูอื่นดอกอีแม่ มีปากก็เว้าไปเรื่อย”

“แต่หลายคนเว้าจังซี้มันก็ต้องซอยกันแก้ปัญหาให้ไวคือที่ผูใหญ่ว่ามา บ่จังซั่นเกี่ยวข้าวปีนี่คือสิขายบ่ออกคักๆ” เซียงสรุปชัดเจนจนทุกคนเริ่มหน้าเครียด จำปูนกับจำปีได้ฟังปัญหาแล้วก็พากันร้องไห้โฮด้วยความเสียใจ

“ฮือๆๆ ข้อยขอโทษเด้อ ย่อนอีพ่อของข้อยแท้ๆ ที่เฮ็ดให้ทุกคนต้องเดือดฮ้อน”

“โอ้ย...ไห้ไปก็บ่ซอยหยังได้ดอก คั่นอยากซอยอีหลีก็ซอยให้เบาะแสตำรวจตามจับพ่อเจ้าให้ได้ก็พอ ซาวบ้านสิได้เซาซังหมู่บ้านเฮา” ทิพย์พูดขึงขังใส่สองสาว

“คั่นซอยได้ก็คงซอยไปแล้ว แต่เฮาบ่ฮู้ว่าอีพ่อหนีไปไสอีหลี”

“ตอนที่อยู่นำกันอีพ่อก็บ่เคยเว้าหยังจักอย่างให้ฮู้เลย ย่อนย่านว่าเฮาสองคนสิปากมาก”

จำปูนกับจำปีอธิบายไปร้องไห้ไป ซึ่งทศพลก็เห็นใจสองศรีพี่น้อง

“อ้ายเข้าใจซุมเจ้า ย่อนว่าได้เว้ากับท่านผู้การมา พ่อใหญ่คมวางแผนสุอย่างไว้รัดกุม ที่หนีรอดไปได้อีกก็เซื่อว่ามีการวางแผนไว้อย่างดีมาแล้ว แต่ท่านผู้การก็ฮับปากว่าสิหาทางตามล่าตัวให้มาฮับโทษให้ได้”

“ขอบใจอ้ายเด้อที่เข้าใจหัวอกของเฮาสองเอื้อยน้อง”

สองสาวเข้ากระแซะทศพล แต่โดนแม่ป่องดึงออกมาห่างๆ แถมขู่ถ้ายังทำตัวไม่ดีก็จะไม่ให้อยู่ด้วยกันที่บ้าน

“เอาละๆ เวลาดีใจที่ได้แม่ป่องกลับมาอยู่นำกันคงเบิ่ดท่อนี่ ย่อนว่าจากหนี่ไปทุกคนต้องมีหน้าที่ซอยกันสร้างภาพพจน์ใหม่ของโคกอีเกิ้งให้เป็น

หมู่บ้านสีขาว กอบกู้ซื่อเสียงของหมู่บ้านให้กลับมา ซึ่งข้อยตั้งใจว่าสิใช้งานประกวดโอทอปดีเด่นประจำจังหวัดปีนี่เป็นใบเบิกทาง ทุกคนเห็นนำบ่”

ทุกคนตะโกนขานรับว่าเห็นด้วยและพร้อมช่วยเหลืออย่างเต็มที่ ยกเว้นชโลธรคนเดียวนิ่งเงียบเพราะหนักใจกับปัญหาส่วนตัว ทศพลเหลือบเห็นสีหน้าของเธอก็อดสงสัยไม่ได้

ooooooo